Veiðiumsjón og eftirlit á höfuðborgarsvæðinu.
Hefurðu gaman að veiði, útiveru og nýturðu þín í samskiptum við fólk? SVFR leitar að 1-2 jákvæðum og þjónustulunduðum einstaklingum til að taka að sér verkefni veiðiumsjónar og -vörslu sumarið 2023. Reiknað er með að verkefnið byrji um 1. júlí (eða fyrr) og því ljúki um 15. september eða samkvæmt samkomulagi.
Verkefnið felur í sér m.a.
- Móttöku og samskipti við veiðmenn
- Eftirlit með veiðimönnum við veiðar og mögulegum veiðiþjófnaði
- Umsjón og miðlun upplýsinga til veiðimanna í samstarfi við skrifstofu
- Eftirfylgni á veiðiskráningu
- Úthlutun veiðisvæða til veiðimanna
Nauðsynlegt er fyrir umsækjendur að hafa gilt ökuskírteini.
Umsókn skal fyllt út á svfr.is/storf.
Umsóknarfrestur er til og með mánudagsins 19. júní.
Við hvetjum þig til að sækja um starfið hafir þú áhuga á að starfa að mestu í Elliðaárdal í kringum veiðimenn í sumar!
Nánari upplýsingar um starfið veitir:
Ingimundur Bergsson,
[email protected]
S: 568-6050