Elliðaárnar sameina það sem fá veiðisvæði bjóða: lifandi laxveiði í náttúrulegu og fallegu umhverfi – innan borgarmarka Reykjavíkur. Þrátt fyrir að árnar sé hluti af einni vinsælustu útivistarperlu borgarinnar, þar sem gangandi og hjólandi umferð er stöðug, halda þær og veiðin sínum einstaka karakter. Veiðimenn lýsa Elliðaánum sem fjölbreyttu og krefjandi veiðisvæði, þar sem straumar, hyljir og breytilegar aðstæður kalla á nákvæma nálgun og góða lesningu á vatninu. Elliðaárnar eru sannarlega einstakar og hafa um áratugaskeið átt sérstakan stað í hjörtum félagsmanna.

Veiðin hefur verið stöðug og góð undanfarin ár en meðalveiði síðustu tíu ára (2014-2023) er 700 laxar. Mesta veiðin síðustu 10 ár var 2018 eða 960 laxar.

Hér er að finna góða leiðsögn frá Ásgeiri Heiðari, leiðsögumanni veiðimanna til áratuga, um hvernig hægt er að veiða þekkt maðkasvæði með flugu.