Spennandi ársvæði í Mývatnsveit
Stangaveiðifélag Reykjavíkur hefur undirritað samning við Veiðifélag Laxár og Krákár um að Kráká verði framvegis rekin undir merkjum félagsins. Með samningnum bætist spennandi og sögufrægt ársvæði við fjölbreytt úrval veiðisvæða SVFR.
Kráká er fjögurra stanga á sem rennur um fallegt landslag í Mývatnssveit áður en hún sameinast Laxá í Mývatnssveit. Áin hefur löngum verið þekkt fyrir sérstaka náttúrufegurð, tærar lindir og skemmtilega veiði. Hún hentar jafnt reyndum veiðimönnum sem þeim sem vilja upplifa einstaka náttúru og ró í hjarta Norðurlands.
Veiðileyfi á frábæru verði
Kráká er ekki aðeins þekkt fyrir góða veiði heldur einnig fyrir þjóðsöguna um tröllskessuna Kráku sem á að hafa skapað farveg árinnar. Samkvæmt þjóðsögunni ruddi skessan sér leið um landið með þeim afleiðingum að áin myndaðist og hefur síðan borið nafn hennar. Þessi skemmtilega tenging við íslenskan sagnaarfi gefur ánni sérstakan svip og gerir heimsókn að Kráká enn eftirminnilegri.
Veiðitímabilið í Kráká hófst 29. maí og er hægt að kaupa veiðileyfi í vefsölu. Stangardagurinn fyrir félagsmenn er á afar hagstæðu verð, eða aðeins 5.000 kr.
