Góðan daginn.
Nú er síðasti mánuður veiðitímabilsins hjá SVFR að renna upp, ekki er hægt að segja að veiðitölurnar séu eitthvað til að hrópa húrra fyrir.
Langá er komin í 490 laxa, aðeins batamerki á tökunni síðustu daga og vonandi fer góður september mánuður í hönd, september hefur verið einna besti mánuðurinn í Langá síðustu 2 ár.
SVFR hefur ákveðið að selja 5 lausar stangir í hollinu 1-3 sept á sérstöku tilboðsverði, 51.200 dagurinn til félagsmanna eða rétt rúmar 100 þús kr fyrir 2 daga, ath hús ekki innifalið.
Sjá hér:
Haukan er komin í tæpa 180 laxa, Haukan hefur liðið fyrir mikið magn af hnúðlaxi í sumar, einnig hefur vatnsstaðan verið frekar lág.
Sandá í Þistilfirði er komin í tæpa 250 laxa, vatnsstaðan í Þistilfirðinum hefur verið frekar lág í sumar og miklir hitar í júlí, veiðin samt alveg á pari.
Elliðaárnar eru komnar í 590 laxa, rúmlega 4 þúsund laxar gengnir í gegnum teljara.
Leirvogsá er komin í 222 laxa, mjög róleg veiði þar þrátt fyrir mikið af laxi í ánni.
Korpan er róleg líka, rétt skriðin yfir 100 laxa. Mikill gróður í ánni er að gera veiðimönnum lífið leitt, sólardagarnir gera laxveiðinni lítið gagn.
Gljúfurá er komin í 58 laxa og 57 sjóbirtinga, september hefur oft verið gjöfull í Gljúfurá, það er eitt laust holl í september sjá hér:
Flekkudalsá er komin í 49 laxa, hún hefur liðið fyrir vatnsleysi í sumar. Haustrigningarnar gætu gert mikið fyrir veiðina hér, það er eitt laust holl í sept, sjá hér:
Laugardalsá er komin í 87 laxa, september hefur oft verið mjög góður í ánni. Laus holl má sjá hér:
Miðá í Dölum er komin í 41 lax og 197 sjóbleikjur, laxveiðin gæti tekið kipp ef það fer að rigna í Dölunum, einhver holl laus í sept sjá hér:
Vatnsdalsá í Vatnsfirði er komin í 10 laxa, við höfum þær fréttir að allur laxinn sé kominn í efri ánna og þar sé mikið af honum. Laus holl í sept má sjá hér:
Þverá í Haukadal er með 10 laxa skráða í bók, okkar tilfinning er að þarna sé skráningu ábótavant og hvetjum við veiðimenn til að skrá. Lausir dagar í sept sjá hér:
Sandá í Þjórsárdal er komin með fyrstu laxa í bók, 2 laxar komnir í bók og fleiri hafa sést, september er aðalmánuðurinn í veiðinni í Sandá, lausir dagar sjá hér:
Gufudalsá er komin í 486 sjóbleikjur og 6 laxa, fínasta veiði þar. Eitt laust holl 1-3.9 sjá hér:
Flókadalsá í Fljótum er komin í ríflega 550 bleikjur, flott veiði þar og eitthvað laust núna í sept, sjá hér:
Brúará fyrir landi Sels er alltaf vinsæl, þess má geta að það eru komnir 2 laxar í bók þar. Lausir dagar í Brúará sjá hér: