Góðan daginn.
Laxveiðin er frekar róleg, það virðist vanta alvöru veðrabreytingu (lesist rigning) til að koma hreyfingu á fiskinn.
Langá er með vikuveiði 16-23/7 upp á 93 laxa, hægur stígandi í veiðinni og koma góðir dagar inn á milli, nægur fiskur í ánni.
Góður gangur á urriðasvæðunum fyrir norðan, jöfn og góð veiði.
Áfram flott veiði í Efri Flókadalsá í Fljótum, áin komin í 250 bleikjur og besti tíminn eftir í bleikjunni.
Leirvogsá er frekar róleg, koma ágætir dagar inn á milli, núna vantar meiri rigningu.
Korpan líka frekar róleg, slatti af fiski gengið í hana en veiðin með rólegra móti.
Sandá í Þistilfirði er komin í 70 laxa, hitinn fyrir norðan hefur sett strik í reikninginn með veiðina þar. Vatnshiti fór hæst í 21°, nú er að komast jafnvægi á veðrið og vonandi tekur veiðin við sér í kjölfarið.
Elliðaárnar eru algjörlega bláar af laxi, tæplega 3.000 laxar gengnir í gegnum teljara, vikuveiðin 14-20.7 er 100 laxar.
Flekkan er aðeins að lifna við, vatnsleysi hrjáir hana þó eins og aðrar Dalaár.
Fínasta sjóbleikjuveiði hefur verið í Vatnsdalsá í Vatnsfirði, eitthvað af laxi hefur sést þar en enginn verið skráður eins og er .
Miðá í Dölum er á fínasta róli í sjóbleikjunni en rólegra er í laxinum, vatnsleysi þar eins og annars staðar í Dölunum.
Laugardalsá í Ísafjarðardjúpi, þar er enn að ganga inn nýr lax á hverjum degi en aðstæður til veiða eru víst mjög erfiðar vegna vatnsskorts, vonandi fer að rigna!
Gljúfurá í Borgarfirði, loksins segja sumir er farinn að sjást lax í ánni, Gljúfuráin hefur farið óhemju seint af stað en einhver batamerki eru á henni núna.