Dreymir þig um að veiða í Langá á Mýrum?
Dagana 18.–19. ágúst gefst félagsmönnum fæddum á árunum 2006–2009 einstakt tækifæri til að kynnast einni af fegurstu og þekktustu laxveiðiám landsins og njóta útiveru í góðum félagsskap.
Ferðin er gjaldfráls. Boðið verður upp á gistingu og rútuferðir fyrir þá sem þess óska og allar máltíðir eru innifaldar. Þaulreyndir leiðsögumenn verða þátttakendum til halds og trausts við veiðarnar.
🧭 Fyrirkomulag
- 24 pláss í boði – tveir veiðifélagar á stöng.
- Veitt verður síðdegisvaktina 18. ágúst og morgunvaktina 19. ágúst.
- Einn leiðsögumaður fyrir hverjar tvær stangir.
- Gist í tveggja manna herbergjum.*
- Allar máltíðir innifaldar.
- Rúta frá skrifstofu SVFR (Suðurlandsbraut 54) fram og til baka.*
*Gisting og rúta eru valfrjáls.
⚠️ Nauðsynlegur búnaður
- Fluguveiðistöng, hjól, lína og taumefni (9 feta stöng og lína nr. 8 æskileg).
- Flugur (t.d. rauð og svört Francis, Hulk, Green Butt, Sunray Shadow).
- Vöðlur, jakki og hlý föt – mikilvægt er að klæða sig eftir veðri.
ℹ️ Athugið:
- Skráning tryggir ekki sjálfkrafa pláss.
- Ef umsóknir reynast fleiri en plássin sem í boði eru verður dregið úr umsóknum.
- Skráðir félagar (f.2006-2009)* með greitt félagsgjald njóta forgangs.*
*Ef þú ert aðeins yngri eða eldri, hafðu þá endilega samband.
📅 Skráningu lýkur á miðnætti 5. júlí – skráðu þig HÉR.
