Úrslit í stjórnarkjöri Stangaveiðifélags Reykjavíkur (SVFR) voru kynnt á aðalfundi félagsins, sem fór fram í Akóges-salnum í Lágmúla í gærkvöldi. Ragnheiður Thorsteinsson formaður SVFR var ein í framboði til formanns og því sjálfkjörin.
Fjórir frambjóðendur bitust um þrjú laus sæti í stjórn. Kosningarnar hófust fimm dögum fyrir aðalfund og voru rafrænar. Á kjörskrá voru 2.547 félagsmenn og af þeim greiddu 287 atkvæði, sem er ríflega 11% kosningaþátttaka. Atkvæði féllu svona:
Trausti Hafliðason 242 atkvæði.
Hrannar Pétursson 230 atkvæði.
Halldór Jörgensson hlaut 182 atkvæði.
Unnur Líndal Karlsdóttir 177 atkvæði.
Úrslitin þýða að Trausti, Hrannar og Halldór, sem allir voru í endurkjöri, náðu kjöri að nýju í stjórn en Unnur Líndal ekki. Stjórn SVFR er nú svona skipuð:
Ragnheiður Thorsteinsson formaður, Brynja Gunnarsdóttir, Dögg Hjaltalín, Halldór Jörgensson, Helga Jónsdóttir, Hrannar Pétursson og Trausti Hafliðason.
Ljósmynd: Golli
Nýstárleg skýrsla stjórnar
Aðalfundur félagsins fór vel fram en um þrjátíu manns sátu fundinn. Farið var yfir starfsemi félagsins á síðasta rekstrarári og var skýrsla stjórnar kynnt með nýstárlegum hætti . Var hún kynnt á myndrænu formi, sem lagðist vel í fundargesti en rituðu eintaki var einnig dreift á fundinum. Hægt er að skoða myndbandið hér.
Góð fjárhagsstaða og óbreytt félagsgjöld
Á fundinum fór Helga Jónsdóttir, gjaldkeri SVFR, yfir rekstur síðasta árs. Ber þar helst að nefna félagið skilaði hagnaði upp á 42 milljónir króna og eigið fé jókst úr 93 milljónum í 133 milljónir á milli ára. Fjárhagsstaðan er því sterk og félagið hefur nú borð fyrir báru komi eitthvað óvænt upp á rekstrinum, sem er nauðsynlegt því á veiðileyfamarkaði geta hlutirnir verið fljótir að breytast.
Stjórn SVFR lagði fram tillögu um að árgjöld yrðu óbreytt og var það samþykkt. Almennt árgjald verður því áfram 12.900 krónur. Makar og félagsmenn yngri en 20 ára, sem og félagsmenn eldri en 67 ára greiða 4.400 krónur eins og áður.
Ályktun um laxeldi
Trausti Hafliðason, ritari stjórnar, kynnti fyrir hönd stjórnar fram tillögu að ályktun aðalfundar, sem felur í sér áskorun til stjórnvalda um að bregðast við því ófremdarástandi sem skapast hefur í sjókvíaeldismálum við strendur Íslands. Ályktunin má lesa í heild hér.
Sjálfkjörið í fulltrúaráð
Fimm voru í framboði til fulltrúaráðs og var því sjálfkjörið. Þau sem voru sjálfkjörin eru: Georg Gísli Andersen, Hörður Vilberg, Jóhann Torfi Steinsson, Jóhanna Lind Elíasdóttir og Karl Lúðvíksson. Fulltrúaráð er nú svona skipað:
Jón Þór Ólason #708 (Formaður)
Árni Friðleifsson #372
Bjarni Júlíusson #225
Guðmundur Stefán Maríasson #322
Bjarni Ómar Ragnarsson #141
Georg Gísli Andersen #1476
Hörður Vilberg #763
Jóhann Torfi Steinsson #328
Jóhanna Lind Elíasdóttir #1580
Karl Lúðvíksson #529
Ásmundur Gíslason #912
Elín Ingólfsdóttir #1221
Emil Gústafsson #1033
Harpa Groiss #1086
Þórólfur Halldórsson #3
Látinna félaga minnst
Á fundinum minntist formaður SVFR látinna félaga og bað fundargesti að heiðra þá. Þeir sem létust á síðara ári voru:
Vilhjálmur Hjálmarsson #11
Skúli Viðar Skarphéðinsson #17
Jóhannes Nordal #18
Magnús V. Ármann #22
Friðleifur Stefánsson #29
Haukur K. Árnason #34
Ingibjörn Hafsteinsson #46
Þorvaldur S. Jóhannesson #91
Hilmar H. Leósson #161
Andrés Andrésson #211
Guðrún Ragnarsdóttir #302
Hermann Auðunsson #382
Jafet S. Ólafsson #584
Júlíus Þór Gunnarsson #1283
Helgi Kjartan Sigurðsson #1433
Sigþór Guðmundsson #1601
Hallgrímur Gunnarsson #1613
Ólafur Kristinn Sigurðsson #1631
Lúðvík Baldur Ögmundsson #1662
Konráð Ingi Jónsson #1797
Lýður Óskar Haraldsson #2348
Önundur G Haraldsson #2514
Svavar Svavarsson #2648
Ólafur A. Þorsteinsson #2873
Í lok fundarins þakkaði Ragnheiður félagsmönnum fyrir góðan fund og bað fólk um halda út í næsta veiðisumar með gleðina sem fylgifisk.