Elliðaár
Alls eru 643 laxar komnir á land í Elliðaánum og er veiðin komin yfir heildarveiði síðasta sumars (625). Frá 15. ágúst verður veitt á fjórar stangir í Elliðaánum og eru þær uppseldar í ár.
Flekkudalsá
Áfram er góð veiði í Flekkudalsá og hafa 121 laxar veiðst, gaman er að segja frá því að veiðistaðurinn Jónsbakki er teppalagður af laxi að sögn veiðimanna, þar hafa veiðst 41 laxar í sumar! Flekkudalsá er uppseld í ár.
Gljúfurá
Veiðin er róleg í Gljúfurá en alltaf veiðast laxar á hverjum degi ásamt pattaralegum sjóbirtingum. Skrifstofan heyrði frá veiðimönnum um daginn sem sögðu ánna fulla af laxi sem vill ekki taka, það gæti breyst á hverri stundu. Alls eru 112 laxar komnir á land. Fyrir áhugasama eigum við tvö laus holl seint í september sem sjá má HÉR.
Haukadalsá
Áfram heldur Haukan sínu striki, það er mikið af laxi í ánni en hægst hefur aðeins á tökunni eins og þekkt er í ám á Vesturlandi í ágúst. Alls eru 282 laxar komnir á land. Haukadalsá er uppseld í ár.
Korpa/Úlfarsá
165 laxar eru komnir í bók og margir veiðistaðir eru fullir af laxi. Í fyrra endaði Korpa í 173 löxum en allar líkur eru á því að hún fari yfir 200 í ár. Korpa er uppseld.
Langá
Langá er í toppvatni og er nóg af fiski á svæðinu, alls hafa 851 laxar veiðst og er mikið af laxi á svæðinu. Hægst hefur á göngum en það ganga nýjr laxar inn á hverju flóði. Þess má geta að lausum dögum fer ört fækkandi og því um að gera að tryggja sé stöng tímanlega en HÉR má sjá lausar dagsetningar.
Langá – Efsta svæðið
Ágæt bleikjuveiði hefur verið síðustu daga og eykst laxgengdin með hverjum deginum á svæðinu, við heyrðum í Halldóri Snæland sem var þar um daginn og fékk tvo fallega hænga og setti í fleiri. Að hans sögn var slatta af lífi á svæðinu. Efsta svæðið í Langá er uppselt í ár.
Laugardalsá
Vikuveiðin í Laugardalnum var 12 laxar, mikið er af laxi í ánni en lang mest af þeim eru í Dagmálafljóti og Blámýrarfljóti. Í vefsölunni okkar er að finna tvö laus holl í Laugardalsá í september sem sjá má HÉR.
Leirvogsá
Síðasta vika var góð í Leirvogsá og hafa veiðst 171 laxar ásamt 43 birtingum og einum hnúðlaxi. Núna fara efri svæðin að koma sterk inn og er mikið af fiski í gljúfrunum fyrir neðan Tröllafoss. Við eigum fjóra lausa septemberdaga í vefsölunni – sjá HÉR.
Miðá
“Það er galið mikið af fiski þarna” Sagði Bjarki Þór Hilmarsson sem var að veiða í Miðá í vikunni, allir staðir eru fullir af laxi en takan var lítil. Alls eru 140 laxar komnir á land í Miðá. Vekjum athygli á að hollið 28.-30. ágúst var að koma í endursölu en við eigum einnig þrjú holl í september.
Sandá
Sandá er á góðu róli og eru 282 laxar komnir á land, nú er tími stórlaxanna handan við hornið og enn eru tvö laus holl í september – sjá HÉR.
Þverá í Haukadal
Það vantar ekki fiskinn í Þverá, en veiðiskráningin er léleg. Enginn lax hefur verið skráð í bók síðastliðna viku. Það eru lausir dagar á vefsölunni okkar, sjá HÉR.
Brúará í landi Sels
Góð veiði er í Brúará og hafa bleikjur um og yfir 50cm veiðst síðustu daga, núna fer að koma besti tíminn í laxinn og hafa sést laxar á nokkrum stöðum. Laus leyfi er að finna í HÉR.
Flókadalsá í Fljótum
Tíðindalítið hefur verið í Flókadalsá síðustu vikur þó bleikjan sé svo sannarlega til staðar. Aðstæður ættu nú að vera orðnar talsvert betri þar sem jafnvægi hefur verið að komast á vatnsmagnið svo vonandi fer að birta til. Við eigum nokkur holl eftir í september sjá HÉR.
Gufudalsá
Eftir því sem við best vitum hefur veiðin haldist nokkuð stöðug að undanförnu í Gufudalsánni en það er greinilegt að rafræna veiðibókin á ekki upp á pallborðið hjá öllum því skráningin heldur áfram að vera afspyrnu léleg sem okkur þykir miður. Gufudalsá er uppseld.
Laxá í Mývatnssveit
Afar góð veiði hefur verið í sumar og eru 3332 urriðar komnir á land ásamt 63 bleikjum. Mývatnssveitin lokar 25. ágúst og er síðasti séns að fara í paradísina, lausar stangir má sjá HÉR.
Laxá í Laxárdal
Tímabilinu í Laxárdal er lokið, góð veiði var í sumar og mikið af stórum fiskum veiddust en gaman var að sjá “nýliðun” þar sem hellingur af minni fiskum veiddust miðað við síðustu ár. Lokatalan í Laxárdal er 863 urriðar og 22 bleikjur, sem er frábær veiði. Meðalstærð urriðans í dalnum er 58cm og sá stærsti sem kom á land var 75cm.
