Það er aðeins að færast líf í árnar eftir rigningar síðustu daga.
Holl sem lauk veiðum 4. sept í Gljúfurá landaði 16 löxum og þó nokkrum silungum, mikið líf í ánni og laxinn byrjaður að dreifa sér um ána.
Haukadalsáin er heldur betur búin að hrökkva í gang, hollið sem var við veiðar 5-7.sept var með 27 laxa skráða í bók, Haukan komin í gullvatn og mikið af fiski í henni.
Langá er hægt og bítandi að koma til, aðstæður í sumar hafa verið gríðarlega erfiðar en þó nokkuð af fiski er í ánni, nú er vatnsbúskapurinn á uppleið með rigningunum og veiðin líka.
Flekkudalsá er líka komin af stað, síðasta holl setti í 5 laxa þar af einn 79 cm. Þeir sáu mikið af fiski og það var byrjuð að koma hreyfing á hann þannig að þeir sem eiga veiði í Flekkunni eiga gott í vændum.
Miðá hefur einnig verið að koma mikið til eftir rigningarnar, holl sem lauk veiðum 3. sept var með 8 laxa og hollið á eftir þeim með 6 laxa, þess má geta að í september í fyrra veiddust 11 laxar! Dalaárnar að fá langþráða vætu og það virðist vera nóg af fiski í þeim, gæti orðið veisla út sept!
Sandáin er búin að vera ansi fín í sumar, heildarveiðin er komin í 300 laxa, meðalstærð 71cm og 3,9kg! Óhætt að segja að Sandá sé heimili hinna stóru, eitt holl laust í þessari perlu.
Hér fyrir neðan má sjá þau leyfi sem eru laus í haustveiðinni hjá okkur.
Vefsala – SVFR Sandá
Vefsala – SVFR Langá
Vefsala – SVFR Miðá
Vefsala – SVFR Laugardalsá
Vefsala – SVFR Flókadalsá efri