Magnús Björnsson var í skýjunum með opnunina í Laxárdal og hafði þetta að segja þegar við náðum tali af honum;
„Laxárdalur skartaði sínu fegursta í opnuninni með 15-24 stiga hita, sól og blæstri. Lífríkið hefur sjaldan verið komið lengra en í ár, skógur laufgaður og fluga tekin að rísa.
Veiði var svipuð og í síðustu opnunum en veiddir fiskar stækka með hverju árinu sem líður. Það komu 58 fiskar á land, þar af voru 8 fiskar 70-73 cm. og 21 á bilinu 60-69 cm, sem sagt helmingur veiddra fiska stærri en 59 cm.
Fiskar voru almennt mjög vel haldnir, feitir og silfraðir, eins og sjá má á myndunum hér að neðan af 73 cm. hæng úr Kletthólma og 62 cm. hrygnu úr Soginu.“
Við þökkum Magnúsi kærlega fyrir orðsendinguna sem og myndirnar og bendum áhugasömum á að kynna sér framboðið á lausum stöngum í vefsölunni okkar HÉR.