Afmælishátíð SVFR föstudaginn 17. maí milli 17-19 í Dalnum
SVFR verður 80 ára föstudaginn 17. maí. Við blásum til fjölskylduhátíðar á afmælisdaginn í húsakynnum SVFR í Elliðaárdal að Rafstöðvarvegi 14.
ALLIR VELKOMNIR
Dagskrá:
- Ávarp formanns
- Afmælisterta
- Afmælisflugan kynnt og boðin til sölu ásamt öðrum afmælisvarningi
- Jóhannes Sturlaugsson sýnir seiði og hvernig rafveiðum er háttað
- Happadrætti – allir gestir fá einn miða og eiga möguleika á að vinna veiðileyfi
- Kastsýning
- Gengið meðfram Elliðaánum (sjá nánari útfærslu fyrir neðan)
- Myndasýning
- Hoppukastali fyrir börnin
- Grillaðar pylsur
- Sjáumst í Dalnum og eigum saman góða stund
Leiðarlýsing:
Gengið meðfram Elliðaánum:
Í upphafi verður kynnt breyting á svæðaskiptingu 2. svæði sem taka mun gildi í sumar, þ.e. að neðri hluti svæðis tvö verði óbreyttur, en efri hlutinn verði frá göngubrúnni neðan félagsheimilis Orkuveitunnar og niður í Ullarfoss. Árbæjarhylur verður tekinn út úr skiptingu og gefinn frjáls eins og verið hefur lengst af.
Hópnum verður síðan skipt í tvennt og fer annar hópurinn yfir efri hluta svæðis 2, þ.e. frá göngubrúnni og niður í Ullarfoss.
Hinn hópurinn fer yfir neðri hluta svæðis tvö og síðan niðurúr, þ.e. frá og með Teljarastreng og niður í Eldhúshyl.
Þessi ganga verður í umsjón árnefndar Elliðaánna en þeir félagar eru öllum hnútum kunnugir og munu efalaust ljóstra upp vel geymdum leyndarmálum um tökustaði á þessu svæði – og þá ekki síst á efri hlutanum, sem hefur verið vanveiddur af hinum almenna félagsmanni undanfarin ár.
