Veiðisvæðin

Gisting

Kaffi- og salernisaðstaða en engin gisting í boði.

Tímabil

Frá 25. júní til 20. september.

Veiðin

Lax, 2 stangir, fluga og maðkur. Kvóti er fjórir laxar á stöng á vakt. Í vorveiðinni og eftir 31. ágúst er eingöngu veitt á flugu og öllum fiski sleppt.

Hentar

Byrjendum sem lengra komnum.

Það er hálf ótrúlegt hvað Leirvogsá leynir á sér, þegar maður er kominn í Birgishyl er lygilegt að ímynda sér að maður sé bara rétt fyrir utan höfuðborgina. Þessi netta tveggja stanga á er með eina hæstu meðalveiði per stöng á landinu en árið 2020 veiddust rúmlega 250 laxar og töluvert af sjóbirtingi sem er mögnuð veiði.

Í ánni eru 58 merktir veiðistaðir og þar má finna allskonar breiður, flúðir, pytti og strengi. Veiðistaðirnir eru því afar fjölbreyttir og aðgengi að þeim flestum er gott.

Í vorveiðinni er sjóbirtingur uppistaða veiðinnar. Á ári hverju veiðast afar stórir fiskar og oftar en ekki taka þeir litlar púpur frekar en straumflugur. Best er að veiða í neðri hluta Leirvogsár en á ári hverju veiðast sjóbirtingar alveg upp að veiðihúsi. Bestu staðir síðustu ára hafa verið Birgishylur, Snoppa, Varmadalsgrjót, Gamla-Brú, Brúargrjót og Fitjakotshylur.

Þar sem Leirvogsá er nett á er mjög miklilvægt að nálgast veiðistaði rólega til að styggja ekki fiskinn. Gott er að byrja að nota litlar flugur og stækka svo hægt og rólega.

Athugið að eftir 1. september er eingöngu veitt á flugu og öllum fiski sleppt!

Tillaga að svæðaskiptingu

25. júní - 14. ágúst

Húsbreiða til og með Snoppu
Snoppa - Tunguborgareyrar

Á þessum tíma er best að skipta svæði á 1.5 klukkutíma fresti, frjálst svæði er fyrir ofan Húsbreiðu. Mælt er með að menn mæti við Gömlu Brú korter fyrir veiðitíma og ákveða skiptingu í sameiningu.

15. ágúst - 20. september

Tröllafoss - Svilaklöpp

Húsabreiða - Tunguborgareyrar

Ekkert frísvæði, þriggja klukkutíma skipting. Mælt er með að menn mæti upp í veiðihús korter fyrir veiðitíma og ákveða skiptingu í sameiningu.

Þriggja klukkutíma skipting,