Frá 59 þús.
Laugardalsá
Laugardalsá er við Ísafjarðardjúp og rennur til sjávar í vestanverðum Mjóafirði. Hún er nett laxveiðiá með magnaða veiðistaði og vatnshraðinn kjörinn fyrir fluguveiði. Aflinn er að megninu til 1 árs lax en einnig veiðist þar töluvert af 2 ára laxi. Til að mynda gengu inn magnaðir stórfiskar árið 2019, þar á meðal 111 cm höfðingi. Þónokkuð er af urriða í báðum vötnunum sem áin þræðir í gegnum og er því um að gera að egna fyrir hann líka.
Aðgengi að veiðistöðum er nokkuð gott. Hægt er að fara akandi nálægt flestum veiðistöðunum en að nokkrum veiðistöðum í efri hluta árinnar þarf að fara gangandi nokkurn spöl.
Meðalveiði síðustu átta ára (2016-2023) er 131 laxar, mest veiddist árið 2016 en þá veiddust 229 laxar.
Áin hentar vel smærri hópum sem vilja njóta sín í einstöku náttúruumhverfi og fá að vera útaf fyrir sig. Athugið að stangirnar eru alltaf seldar saman.
Tvísteinar
Við ána er rúmgott og notalegt veiðihús með sex tveggja manna herbergjum. Í húsinu er gott eldhús með öllum helstu þægindum, s.s. bakaraofni, uppþvottavél og örbylgjuofni, auk góðrar setustofu með fallegu útsýni yfir ána. Athugið að hafa þarf meðferðis handklæði.
Veiðimenn mega koma í húsið klukkustund áður en veiðitími hefst og ber að rýma það klukkustund eftir að veiðitíma lýkur.
Reykingar eru ekki leyfðar innanhúss og biðjum við veiðimenn vinsamlegast að skilja ekki eftir sígarettustubba fyrir utan húsið. Húsið er opið og skulu veiðimenn skilja það eftir opið við brottför.
Skylda er að kaupa þrif, sjá nánari upplýsingar undir "þrif."