Veiðisvæðið - veiðin

Laugardalsá í Ísafjarðardjúpi er ein af þekktari laxveiðiám Vestfjarða og hefur lengi notið vinsælda meðal veiðimanna. Áin rennur um fallegan dal til sjávar í Mjóafirði og er þekkt fyrir góða laxgengd. Aðgengi að veiðistöðum er almennt gott, hægt er að fara akandi nálægt flestum veiðistöðum en mælt er með fjórhjóladrifnum bílum.

Veiðin byggist að mestu á smálaxi, en á hverju sumri ganga einnig vænir stórlaxar í ána. Urriðastofninn hefur jafnframt styrkst á síðustu árum og geta veiðimenn átt von á spennandi silungsveiði bæði í ánni og vötnunum sem hún tengist. Stangarhöfum er heimilt að veiða í Laugarbólsvatni og Efstadalsvatni og er veiðitíminn sá sami og í ánni en án hvíldartíma.

Meðalveiði síðustu átta ára (2016-2023) er 131 laxar, mest veiddist árið 2016 en þá veiddust 229 laxar.

Áin hentar vel smærri hópum sem vilja njóta sín í einstöku náttúruumhverfi og fá að vera útaf fyrir sig.

Athugið að stangirnar eru alltaf seldar saman.

Leiðsögumenn SVFR eru valdir af kostgæfni og búa yfir áratugareynslu ásamt sérþekkingu á ársvæðum félagsins. Með leiðsögumann í för nýtist tíminn betur, árangur hámarkast og upplifun veiðimanna verður ríkari.

  Markvissari veiði

  Fagleg ráðgjöf