Frá 48 þús

Gljúfurá

Gljúfurá er þriggja stanga laxveiðiá í fögru umhverfi Borgarfjarðar. Veiðistaðir eru fjölmargir og fjölbreyttir og hentar áin afar vel fyrir bæði flugu- og maðkveiði. Þó svo að Gljúfurá henti víða vel til fluguveiða hefur stærsti hluti laxveiðinnar fengist á maðk.

Gljúfurá er liðlega 20 kílómetra löng á með afar sérstökum upptökum en hún klýfur sig út úr farvegi Langár um tvo kílómetra fyrir neðan Langavatn. Áin er fiskgeng um 11 kílómetra upp að Klaufhamarsfossi og eru um 60 merktir veiðistaðir í ánni, hver öðrum skemmtilegri, enda fjölbreytnin eitt aðalsmerki árinnar.

Vesturland
Veiðitímabil: 25.06 - 30.09
Stangir: 3 - seldar saman
Agn: Fluga og maðkur
Kvóti: 2 á vakt
8 manns í sjálfsmennsku
Bóka núna

Gisting

8 manns í sjálfsmennsku.

Tímabil

Frá 25. júní til 30. september.

Veiðin

Lax, þrjár stangir, maðkur og fluga. Kvóti er tveir laxar á vakt.

Hentar

Byrjendum sem lengra komnum.

Veiðihús – staðsetning

Gljúfurá
Umsjón og veiðivarsla

Gljúfurá

+354 568 6050

Veiðisvæðin - veiðin

Í Gljúfurá eru um 60 merktir veiðistaðir. Veiðistaðirnir eru fjölbreyttir, sumir henta maðkveiði en aðrir fluguveiði. Eins og nafnið gefur til kynna rennur hún um gljúfur þar sem má finna marga frábæra maðkastaði en fyrir ofan og neðan gljúfrin rennur hún heldur hægar og myndar breiður, flúðir og strengi.

Árið 2020 veiddust 211 laxar í Gljúfurá og verður það að teljast ágæt veiði miðað við að veiðin var frekar döpur á Vesturlandi.

 

Hér má skoða rafræna veiðibók fyrir Gljúfurá þar sem veiðitölur eru færðar reglulega inn. Einnig má skoða teljarann hér.

Í Veiðimanninum #206 frá 2018 bls. 48, má finna mjög góða veiðistaðalýsingu af ánni.

Veiðihús

Gljúfurá

Húsið er bjart, rúmgott og mjög vel útbúið með svefnpláss fyrir átta manns í fjórum tveggja manna herbergjum. Allur helsti eldhús- og borðbúnaður er til staðar ásamt sjónvarpi í stofu. Að auki er góður sólpallur með heitum potti og gasgrilli við húsið.

Þrifagjald að upphæð 40.000 kr. er í húsinu. Innifalið í því eru almenn þrif og uppábúin rúm, tvö per stöng. Greitt er fyrir þrif á brottfarardegi, annaðhvort með að skilja eftir greiðslu í húsi eða millifærslu.

Lyklar að húsinu eru í sérstöku lyklaboxi sem opnast með kóða. Fólksbílafært er að veiðihúsinu.

á staðnum / til athugunar

Svefnpláss fyrir átta manns.

Sturta á baðherbergi.

Allur helsti eldhús- og borðbúnaður.

Sjónvarp.

Gasgrill.

Heitur pottur.

Góður sólpallur.

Lyklabox með kóða.

Fólksbílafært er að veiðihúsinu.

Veiðimenn ganga frá öllu rusli og taka með sér við brottför.

Þrifagjald 40.000 kr. Innifalið eru almenn þrif og sex uppábúin rúm.

Gagnlegar upplýsingar


Gljúfurá 
Veiði hefst:25. júní
Veiði lýkur:30. september
Fjöldi stanga:3 stangir - seldar saman
Veiðifyrirkomulag:Tveggja daga holl
Veiðitími I25.06-13.08
Morgunvakt:07:00-13:00
Eftirmiðdagsvakt:16:00-22:00
Veiðitími II14.08-30.09
Morgunvakt:07:00-13:00
Eftirmiðdagsvakt:15:00-21:00
Mæting, staður:Veiðihús
Mæting, tími:Klukkutíma fyrir veiði
Vinsælar flugur:Frances, Sunray, Haugur, Silver Sheep, Bismó, Green Butt,

Leiðsögn


Leiðsögumenn SVFR eru veiðimenn með mikla og langa veiðireynslu og eru valdir af kostgæfni. Með leiðsögn verður veiðin markvissari, tíminn nýtist betur, og oftar en ekki ánægjulegri. Leiðsögumenn okkar upplýsa veiðimenn um bestu veiðistaðina í ánni, búnaðinn og veiðitækni.

  Markvissari veiði

  Fagleg ráðgjöf

Veiðireglur


Almennar

Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr ánni, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla ber að skrá í veiðibók.

Sjá einnig almennar veiðireglur SVFR

LaxTímabil: 25.06 - 30.09
Leyfilegt agn: Fluga
og maðkur.
Kvóti: Tveir laxar á vakt

   Þrifagjald


Þrif á veiðihúsinu eru ekki innfalin í stangarverðinu og ber veiðimönnum að kaupa þá þjónustu. Innifalið eru almenn þrif og sex uppábúin rúm, tvö rúm pr. stöng. Hægt er að fá tvö uppábúin rúm til viðbótar en þá kostar það aukalega, sjá verðskrá.

Veiðimenn sjá um að þrífa grill, klára uppvask, raða inn í skápa og skúffur ásamt því að sinna almennum frágangi.

Ætlast er til að veiðimenn gangi frá öllu rusli og taki það með sér við brottför.

Athugið! SVFR áskilur sér rétt til að rukka aukalega fyrir þrif ef frágangur á veiðihúsinu er ekki sem skyldi.

Þrif - umsjón

Heiða Dís

+354 862 8932

Greitt er fyrir þrif á brottfarardegi, annaðhvort með að skilja eftir greiðslu í veiðihúsinu eða með millifærslu. Nánari upplýsingar um greiðslu veitir umsjónarmaður þrifa.

Hollið Sex veiðimenn í húsi, alls 40.000 kr.

Innifalið eru almenn þrif og uppábúin rúm, tvö per stöng. Fyrir hvern einstakling umfram sex greiðast 3.500 kr.