Frá 58 þús

Flekkudalsá

Flekkudalsá, eða Flekkan, er af mörgum talin ein af fallegustu ám landsins. Vinsæl 3 stanga laxveiðiperla á sunnanverðri Fellströnd við Hvammsfjörð með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá. Veiðistaðir eru fjölmargir og fjölbreyttir og hentar áin afar vel fyrir fluguveiði.

Í ánum þremur eru tæplega 50 merktir veiðistaðir.

Vesturland, Fellsströnd
Veiðitímabil: 01.07 - 09.09
Stangir: 3, seldar saman
Agn: Fluga
Kvóti: 1 á dag
6 manns í sjálfsmennsku
Bóka núna!

Gisting

Veiðihúsið við Flekkudalsá rúmar 6 manns í sjálfsmennsku. Veiðimönnum ber að kaupa þrif.

Tímabil

Frá 1. júli til 9. september

Veiðin

Lax, 3 stangir, eingöngu fluga með flugustöng. Kvóti er einn fiskur á dag.

Hentar

Byrjendum sem lengra komnum.

Umsjón og vieðivarsla

Flekkudalsá

+354 568 6050

svfr@svfr.is

Veiðisvæðið - veiðin

Flekkudalsá er vinsæl laxveiðiperla á Fellströnd með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá.  Flekkudalsá  er 3 stanga laxveiðiá í fögru umhverfi Flekkudals. Veiðistaðir eru fjölmargir og fjölbreyttir og hentar áin afar vel fyrir fluguveiði og reynast hefðbundar flugur best. Svartur Frances er ein öflugasta flugan í Flekkudalsá og er lykilatriði að eiga hana í flestum útfærslum.

Veiðisvæðið er afar fjölbreytt þar sem það skiptist í þrjár ár, árnar hlykkjast niður dalina og þar má finna tæplega 50 merkta veiðistaði.  Gaman er að veiða ánna upp í dal en fara þarf varlega þar þar sem hún er lítil og nett. Þá eru Fossholtin vinsæll veiðistaður.

Tillaga að svæðaskiptingu

Stöng 1:  Kjarlakstaðará K1 – K10 og Flekkudalsá F1 – F10

Stöng 2:  Flekkudalsá F11 – F17

Stöng 3: Tunguá T1 – T14 og efri hluti Flekkudalsá F18 – F24

 

Veiðihús

Flekkudalsá hentar afar vel samstilltum hópum og fjölskyldum enda fylgir rúmgott og afar vel útbúið veiðihús með þremur tveggja manna svefnherbergjum.

Góður sólpallur er við húsið, gufubað og gasgrill. Í húsinu er eldunaraðstaða (tvær hellur), sjónvarp og helsti borðbúnaður fyrir að lágmarki 6 manns. Ekki er bakaraofn í húsinu en hægt er að bjarga sér með grillinu.

Lyklar að húsinu eru í sérstöku lyklahúsi sem opnast með kóða. Fólksbílafært er að veiðihúsinu.

sjálfsmennska
gufubað
gasgrill
aðgerðarborð

Gagnlegar upplýsingar


Flekkudalsá lax 
Veiði hefst:01. júlí
Veiði lýkur:09. september
Fjöldi stanga:3 - seldar saman
Veiðifyrirkomulag:Tveggja (2) daga holl frá hádegi til hádegis
Veiðitími I01.07-13.08
Morgunvakt:07:00-13:00
Eftirmiðdagsvakt:16:00-22:00
Veiðitími II14.08 - 09.09
Morgunvakt:07:00-13:00
Eftirmiðdagsvakt:15:00-21:00
Mæting, staður:Veiðihús
Mæting, tími:klukkustund fyrir vakt
Vinsælar flugur:Frances, Sunray, Haugur, Silver Sheep, Green Butt,

Leiðsögn

Leiðsögumenn SVFR eru veiðimenn með mikla og langa veiðireynslu og eru valdir af kostgæfni. Með leiðsögn verður veiðin markvissari, tíminn nýtist betur, og oftar en ekki ánægjulegri. Leiðsögumenn okkar upplýsa veiðimenn um bestu veiðistaðina í ánni, búnaðinn og veiðitækni.

  Markvissari veiði

  Fagleg ráðgjöf

Veiðireglur


Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr ánni, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla ber að skrá í veiðibók.

Sjáið einnig almennar veiðireglur SVFR

Veitt er á þrjár stangir allt tímabilið. Þar sem stangirnar þrjár eru aðeins seldar saman skipta viðimenn sjálfir með sér veiðisvæðinu. Svæðið er fjölbreytt og stórskemmtilegt, mælt er með að fara á sem flesta veiðistaði til að upplifunin verði sem mest.

LaxTímabil: 01.07 - 09.09
Leyfilegt agn: Fluga
Kvóti: 1 lax á dag á stöng undir 70 cm
Öllum fiski 70 cm og lengri skal sleppt.

   Þrif - skyldukaup


Þrif á veiðihúsinu eru ekki innfalin í stangarverðinu og ber veiðimönnum að kaupa þá þjónustu. Innifalið eru almenn þrif og uppábúin rúm.

Veiðimenn sjá um að þrífa grill, klára uppvask, raða inn í skápa og skúffur ásamt því að sinna almennum frágangi.

Ætlast er til að veiðimenn gangi frá öllu rusli og taki það með sér við brottför.

Athugið! SVFR áskilur sér rétt til að rukka aukalega fyrir þrif ef frágangur á veiðihúsinu er ekki sem skyldi.

Þrif

umsjón

+354 894 7868

harrast@simnet.is

Greitt er fyrir þrif á brottfarardegi, annaðhvort með að skilja eftir greiðslu í veiðihúsinu eða með millifærslu. Nánari upplýsingar um greiðslu veitir umsjónarmaður þrifa.

Þrif 40.000 kr. / hollið

Greitt er fyrir þrif á brottfarardegi í veiðihúsinu. Innifalið eru almenn þrif og uppábúin rúm. Veiðimenn sjá um að þrífa grill, uppvask og almennan frágang.