Frá 71 ÞÚS.
Flekkudalsá
Flekkudalsá, eða Flekkan, er af mörgum talin ein af fallegustu ám landsins. Vinsæl þriggja stanga laxveiðiperla á sunnanverðri Fellströnd við Hvammsfjörð með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá. Veiðistaðir eru fjölmargir og fjölbreyttir og hentar áin afar vel fyrir fluguveiði.
Í ánum þremur eru tæplega 50 merktir veiðistaðir.
Flekkudalsá er vinsæl laxveiðiperla á Fellströnd með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá. Flekkudalsá er þriggja stanga laxveiðiá í fögru umhverfi Flekkudals. Veiðistaðir eru fjölmargir og fjölbreyttir og hentar áin afar vel fyrir fluguveiði og reynast hefðbundar flugur best. Svartur Frances er ein öflugasta flugan í Flekkudalsá og er lykilatriði að eiga hana í sem flestum útfærslum.
Veiðisvæðið er afar fjölbreytt þar sem það skiptist í þrjár ár, árnar hlykkjast niður dalina og þar má finna tæplega 50 merkta veiðistaði. Gaman er að veiða ánna upp í dal en fara þarf varlega þar þar sem hún er lítil og nett. Þá eru Fossholtin vinsæll veiðistaður.
Tillaga að svæðaskiptingu
Stöng 1: Kjarlakstaðará K1 – K10 og Flekkudalsá F1 – F10
Stöng 2: Flekkudalsá F11 – F17
Stöng 3: Tunguá T1 – T14 og efri hluti Flekkudalsá F18 – F24
Flekkudalsá hentar samstilltum hópum og fjölskyldum frábærlega enda fylgir rúmgott og vel útbúið veiðihús með þremur tveggja manna svefnherbergjum.
Í húsinu er eldunaraðstaða (fjórar spanhellur), sjónvarp og helsti borðbúnaður fyrir að lágmarki sex manns. Nýlegur bakarofn og helluborð eru á staðnum. Þá er góður sólpallur við húsið ásamt gufubaði.
Lyklar að húsinu eru í sérstöku lyklaboxi sem opnast með kóða. Fólksbílafært er að veiðihúsinu.