Frá 58 þús

Flekkudalsá

Flekkudalsá, eða Flekkan, er af mörgum talin ein af fallegustu ám landsins. Vinsæl þriggja stanga laxveiðiperla á sunnanverðri Fellströnd við Hvammsfjörð með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá. Veiðistaðir eru fjölmargir og fjölbreyttir og hentar áin afar vel fyrir fluguveiði.

Í ánum þremur eru tæplega 50 merktir veiðistaðir.

Vesturland, Fellsströnd
Veiðitímabil: 01.07 - 09.09
Stangir: 3 - seldar saman
Agn: Fluga
Kvóti: 1 á dag
6 manns í sjálfsmennsku
Bóka núna!

Gisting

6 manns í sjálfsmennsku.

Tímabil

Frá 1. júlí til 9. september.

Veiðin

Lax, 3 stangir, eingöngu fluga með flugustöng. Kvóti er einn fiskur á dag.

Hentar

Byrjendum sem lengra komnum.

Umsjón og veiðivarsla

Flekkudalsá

+354 568 6050

Veiðisvæðið - veiðin

Flekkudalsá er vinsæl laxveiðiperla á Fellströnd með góðu veiðihúsi. Veiðisvæðin samanstanda af veiði í Flekkudalsá, Tunguá og Kjarlaksstaðaá. Flekkudalsá  er þriggja stanga laxveiðiá í fögru umhverfi Flekkudals. Veiðistaðir eru fjölmargir og fjölbreyttir og hentar áin afar vel fyrir fluguveiði og reynast hefðbundar flugur best. Svartur Frances er ein öflugasta flugan í Flekkudalsá og er lykilatriði að eiga hana í sem flestum útfærslum.

Veiðisvæðið er afar fjölbreytt þar sem það skiptist í þrjár ár, árnar hlykkjast niður dalina og þar má finna tæplega 50 merkta veiðistaði.  Gaman er að veiða ánna upp í dal en fara þarf varlega þar þar sem hún er lítil og nett. Þá eru Fossholtin vinsæll veiðistaður.

Tillaga að svæðaskiptingu

Stöng 1:  Kjarlakstaðará K1 – K10 og Flekkudalsá F1 – F10

Stöng 2:  Flekkudalsá F11 – F17

Stöng 3: Tunguá T1 – T14 og efri hluti Flekkudalsá F18 – F24

 

Veiðihús

Flekkudalsá hentar samstilltum hópum og fjölskyldum frábærlega enda fylgir rúmgott og vel útbúið veiðihús með þremur tveggja manna svefnherbergjum.

Í húsinu er eldunaraðstaða (tvær hellur), sjónvarp og helsti borðbúnaður fyrir að lágmarki sex manns. Vinsamlegast athugið að það er ekki bakaraofn á staðnum en hægt er að bjarga sér með grillinu. Þá er góður sólpallur við húsið ásamt gufubaði.

Þrifagjald að upphæð 40.000 kr. er í húsinu. Innifalið í því eru almenn þrif og uppábúin rúm, tvö per stöng. Greitt er fyrir þrif á brottfarardegi, annaðhvort með að skilja eftir greiðslu í húsi eða millifærslu. Lyklar að húsinu eru í sérstöku lyklaboxi sem opnast með kóða. Fólksbílafært er að veiðihúsinu.

sjálfsmennska
gufubað
gasgrill
sólpallur
aðgerðarborð
lyklabox

á staðnum / til athugunar

Svefnpláss fyrir sex manns.

Sturta á baðherbergi.

Allur helsti eldhús- og borðbúnaður að undanskildum bakaraofni.

Sjónvarp.

Gasgrill.

Gufubað.

Góður sólpallur.

Lyklabox með kóða.

Fólksbílafært að veiðihúsinu.

Veiðimenn ganga frá öllu rusli og taka með sér við brottför.

Þrifagjald 40.000 kr. Innifalið eru almenn þrif og uppábúin rúm, tvö per stöng.

Gagnlegar upplýsingar


Flekkudalsá lax 
Veiði hefst:01. júlí
Veiði lýkur:09. september
Fjöldi stanga:3 - seldar saman
Veiðifyrirkomulag:Tveggja (2) daga holl frá hádegi til hádegis
Veiðitími I01.07-13.08
Morgunvakt:07:00-13:00
Eftirmiðdagsvakt:16:00-22:00
Veiðitími II14.08 - 09.09
Morgunvakt:07:00-13:00
Eftirmiðdagsvakt:15:00-21:00
Mæting, staður:Veiðihús
Mæting, tími:Klukkustund fyrir vakt
Vinsælar flugur:Frances, Sunray, Haugur, Silver Sheep, Green Butt,

Leiðsögn


Leiðsögumenn SVFR eru veiðimenn með mikla og langa veiðireynslu og eru valdir af kostgæfni. Með leiðsögn verður veiðin markvissari, tíminn nýtist betur, og oftar en ekki ánægjulegri. Leiðsögumenn okkar upplýsa veiðimenn um bestu veiðistaðina í ánni, búnaðinn og veiðitækni.

  Markvissari veiði

  Fagleg ráðgjöf

Veiðireglur


Almennar

Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr ánni, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla ber að skrá í veiðibók.

Sjá einnig almennar veiðireglur SVFR

Sértækar

Veitt er á þrjár stangir allt tímabilið. Þar sem stangirnar þrjár eru aðeins seldar saman skipta veiðimenn sjálfir með sér veiðisvæðinu. Svæðið er fjölbreytt og stórskemmtilegt og mælt er með að fara á sem flesta veiðistaði til að upplifunin verði sem mest.

LaxTímabil: 01.07 - 09.09
Leyfilegt agn: Fluga.
Kvóti: 1 lax á dag á stöng undir 70 cm.
Öllum fiski 70 cm og lengri skal sleppt.

   Þrifagjald


Þrif á veiðihúsinu eru ekki innfalin í stangarverðinu og ber veiðimönnum að kaupa þá þjónustu. Innifalið eru almenn þrif og uppábúin rúm.

Veiðimenn sjá um að þrífa grill, klára uppvask, raða inn í skápa og skúffur ásamt því að sinna almennum frágangi.

Ætlast er til að veiðimenn gangi frá öllu rusli og taki það með sér við brottför.

Athugið! SVFR áskilur sér rétt til að rukka aukalega fyrir þrif ef frágangur á veiðihúsinu er ekki sem skyldi.

Þrif

umsjón

+354 894 7868

Greitt er fyrir þrif á brottfarardegi, annaðhvort með að skilja eftir greiðslu í veiðihúsinu eða með millifærslu. Nánari upplýsingar um greiðslu veitir umsjónarmaður þrifa.

Hollið Sex veiðimenn í húsi, alls 40.000 kr.

Innifalið eru almenn þrif og uppábúin rúm, tvö per stöng.