Frá 42 þús

Laxá í Mývatnssveit

„Aldrei upplifað annað eins!“ Það hafa margir veiðimenn látið þessi orð falla, ekki síst eftir sína fyrstu heimsókn í Mývatnssveitina. Óhætt er að fullyrða að urriðasvæðin í Laxárdal og Mývatnssveit séu einstök á heimsvísu. Þeir sem vilja fá ógnarfallegt umhverfi og mikið af urriða þá er Mývatnssveitin rétti staðurinn.

Norðurland, Mývatnssveit
Stangir: 14
Veiðitímabil: 29.05 - 28.08
Agn: fluga
Kvóti: 2 á vakt
31 manns í þjónustu
Bóka núna!

Gisting

Hof er notalegt veiðihús með 13 tveggja manna herbergjum og 5 eins manns sem getur tekið 31 veiðimann í gistingu.

Tímabil

Frá 29. maí til 28. ágúst

Veiðin

Urriði, 14 stangir, eingöngu fluga með flugustöng. Kvóti er einn fiskur á vakt.

Hentar

Byrjendum sem lengra komnum.


Veiðiumsjón og -varsla

Laxá í Mývatnssveit

+354 568 6050

svfr@svfr.is

Veiðisvæðið - veiðin

Fyrir utan góða og jafna veiði undanfarin ár þá er áin einstök. Hraðir strengir og fallegir flóar, flúðir og hægfara hyljir; allt í umhverfi sem á engan sinn líka. Þetta er einfaldlega svæði sem allir fluguveiðimenn verða að prófa að minnsta kosti einu sinni á ævinni. Í Mývatnssveit er meðalstærðin smærri en í Laxárdal en þar veiðast talsvert fleiri fiskar. Aðgengi er erfiðara en í Laxárdal og þurfa veiðimenn að ganga spöl að veiðistöðum á sumum svæðum. Sumarið 2018 veiddust alls 3.468 urriðar á svæðinu sem var 6% aukning frá því 2017. Kvóti er á veiðinni, tveir urriðar á dag, einn á hvorum dagsparti. Veiðimönnum er skylt að sleppa smáfiski undir 35cm að lengd og fiskum sem eru stærri en 60cm.

Aðgengi að veiðistöðum er nokkuð gott. Hægt er að fara akandi nálægt flestum veiðistöðunum en að nokkrum veiðistöðum í efri hluta árinnar þarf að fara gangandi nokkurn spöl. Gott getur verið að hafa bakpoka með sér þegar t.d. Hofstaðaey er veidd, en þá gjarnan er maður út í eyju alla vaktina.

Laxá í Mývatnssveit Current
Akureyrarflugvöllur
Veiðihús

Hof

+354 4644433

viktor@luxveitingar

Gisting fyrir 31 manns í þjónustu. Þrettán tveggja manna herbergi og 5 eins manns með sameiginlegu baði og sturtuaðstöðu.

Heitur pottur

Fólksbílafært að veiðihúsinu

Aðgengi mjög takmarkað

Gæludýr eru ekki leyfð

Þráðlaust net er í húsinu

Sjónvarp er á staðnum

Vöðlugeymsla er á staðnum

Fæðisgjald

2 á stöng Allt tímabilið 17.900 kr./dag

Innifalið eru 3 máltíðir á dag ásamt kaffi um miðjan daginn. Við komu er boðið uppá kaffi og með því ásamt kvöldmat síðar um kvöldið. Á brottfarardegi er boðið uppá morgunmat og létta máltíð í hádeginu fyrir brottför.

1 á stöng Allt tímabilið 19.900 kr./dag

Innifalið eru 3 máltíðir á dag ásamt kaffi um miðjan daginn. Við komu er boðið uppá kaffi og með því ásamt kvöldmat síðar um kvöldið. Á brottfarardegi er boðið uppá morgunmat og létta máltíð í hádeginu fyrir brottför.

Neyðarlínan 24/7

Hringið í neyð í neyðarlínuna

112

112.is

Veiðihús

Hof

Við ána er notalegt veiðihús með 13 tveggja manna herbergjum og 5 eins manns sem getur tekið 31 veiðimann í gistingu. Húsið hefur sinn sjarma en en herbergin eru frekar smá með sameiginlegri hreinslætisaðstöðu. Einnig er heitur pottur við húsið. Stór sameiginlega seturstofa er í húsinu og matsalur.

Góð aðgerðaraðstaða er í Hofi og hægt að frysta afla. Einnig bendum við á að vinsælt er að fara með afla í reyk á Skútustöðum.

Fæðisskylda er í húsinu og kostar einn dagur kr. 17.900 séu tveir á stöng/herbergi. Annars er kr. 2.000.- aukagjald ef einn á stöng eða herbergi.

ATH. að veiðimenn sem ætla að taka með sér fiska úr ánni er bent á að ekkert laxaplast verður í húsinu, sem er hluti af umhverfisstefnu félagsins.