Frá 7 þús.

Elliðaár

Það er harla fágætt að geta stundað laxveiðar í miðri höfuðborg, en við Íslendingar getum stært okkur af því. Elliðaárnar eru perla Reykjavíkur og heimavöllur SVFR. Árnar eru aðgengilegar og hafa margir stigið sín fyrstu skref í veiðinni á bökkum þeirra enda árnar einstaklega fjölskylduvænar.

Reykjavík, Elliðaárdalur
Silungur: 01.05 - 15.09
Stangir í laxveiði: 4-6
Stangir í silungsveiði: 2
Lax: 20.06 - 15.09
Leyfilegt agn: Fluga
Kvóti: sjá síðu
Fjölskylduvænt
Gott fyrir byrjendur
Aðgengilegt
Perla Reykjavíkur
Bóka núna

Gisting

Engin gisting.

Tímabil

Silungsveiði 1. maí til 5. júní

Laxveiði 20. júní til 15. september

Veiðin

Lax, 2-6 stangir, eingöngu fluga með flugustöng. Leyfilegt er að hirða silung en öllum laxi skal sleppa.

Hentar

Byrjendum sem lengra komnum.

Elliðaár Current
Nánar
Umsjón og veiðivarsla

Elliðaár

821 3977

svfrveidivarsla@gmail.com

Sumarveiði – Lax


Veiðin hefur verið stöðug og góð undanfarin ár, en meðalveiði síðustu 9 ára er tæplega 1.000 laxar. 960 laxar veiddust sumarið 2018.

Við ítrekum að öllum laxi skal sleppt, en sleppiskylda er breyting fyrir 2020.

Í september skulu veiðimenn hitta veiðivörðinn við Hundasteina korter fyrir veiðitíma, þar fer hann yfir svæðaskiptingu og sér um dráttinn.

Hér er að finna góða leiðsögn frá Ásgeiri Heiðari, leiðsögumanni veiðimanna til áratuga, um hvernig hægt er að veiða þekkt maðkasvæði með flugu.

Vorveiði – Silungur


SVFR býður upp á stórskemmtilega vorveiði á urriða í Elliðaánum í maí. Veitt er á tvær stangir hálfan dag í senn. Aðeins er leyft að veiða á flugu í vorveiðinni.

Undanfarin ár hefur Stangaveiðifélagið gert félögum sínum kleift að ná úr sér veiðihrollinum með því að bjóða upp á stórskemmtilega vorveiði á urriða í Elliðaánum. Þessi tími hefur verið vel nýttur af veiðimönnum og hefur alla jafna veiðst vel. Lífríkið í ánni er mjög gott og stofn staðbundins urriða sterkur.

Veiðisvæðið nær frá Höfuðhyl að og með Hrauni. Best veiðist í efri hluta Elliðaánna og eru Ármótin og Höfuðhylur sterkustu hyljirnir í vorveiðinni. Athugið að ekki er leyft að veiða nær Elliðavatnsstíflu en 50 metra.


Gagnlegar upplýsingar

Fjöldi stanga eftir tímabili
Silungur
01. maí til 05. júní2 fyrir og eftir hádegi
Lax
20. júní til 30. júní4 fyrir og eftir hádegi
01. júlí til 15. ágúst 6 fyrir og eftir hádegi
16. ágúst til 15. sept. 4 fyrir og eftir hádegi
Elliðaár silungur 
Veiði hefst:01. maí
Veiði lýkur:05. júní
Veiðifyrirkomulag:1/2 dagur, fyrir og eftir hádegi
Morgunvakt:07:00-13:00
Eftirmiðdagsvakt:15:00-21:00
Mæting, staður:Höfuðhylur
Mæting, tími:Korter fyrir vakt
Vinsælar flugur:Hinir ýmsu kúluhausar, þurrflugur og straumflugur
Elliðaár lax 
Veiði hefst:20. júní
Veiði lýkur:15. september
Veiðifyrirkomulag:1/2 dagur, fyrir og eftir hádegi
Morgunvakt:07:00-13:00
Eftirmiðdagsvakt:15:00-21:00
Mæting til 31. ág.:Veiðihús
Mæting frá 01. sept.:Hundasteinar
Mæting, tími:hálftíma fyrir vakt
Vinsælar flugur:Frances, Green Butt, Sunray Shadow, Silver sheep.

Veiðireglur

Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr Elliðaánum, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla og aflaleysi ber að skrá í rafræna veiðibók.

Sjáið einnig almennar veiðireglur SVFR

LaxTímabil: 20.06 - 15.09
Leyfilegt agn: Fluga
Eingöngu leyfilegt að veiða með flugustöng.
Kvóti: Enginn, öllum fiski sleppt
Tilkynna ber komu og brottför frá veiðisvæðinu ef ekki er mætt í veiðihús
Ekki má veiða á neðstu stöðum Elliðaánna á flóði ef sjór flæðir inn í þá
Bannað er að veiða nær mannvirkjum en 50 metra, þ.e. teljara, Árbæjarstíflu og Elliðavatnsstíflu
Í september er eingöngu leyfilegt að veiða fyrir ofan Árbæjarstíflu
Silungur Tímabil: 01.05 - 05.06
Leyfilegt agn: Fluga
Eingöngu leyfilegt að veiða með flugustöng.
Kvóti: Enginn kvóti en veiðimenn eru beðnir um að sýna hófsemi.
Veiða má frá Höfuðhyl að og með Hrauni