VEIÐISTAÐAKORT

Brúará er önnur vatnsmesta bergvatnsá landsins og jafnframt ein besta bleikjuveiðiá Íslands.

Um árabil hafa verið seldar átta stangir fyrir landi Sels. Til að auka gæði veiðinnar og bæta upplifun veiðimanna hefur stöngunum verið fækkað úr átta í fjórar.

Veiðisvæðið er rúmlega fimm kílómetrar að lengd og liggur enginn vegur meðfram ánni. Veiði er einungis heimil frá vesturbakka árinnar og aðgengi er víðast hvar mjög gott. Efri veiðimörk svæðisins eru við Markalæk en neðri mörkin við læk sem rennur úr tjörn sunnan þjóðvegar. Veiðimenn geta lagt bifreiðum sínum við upplýsingaskiltið eða á bílastæðinu við gamla brúarstólpann við Drekkingarhyl .

Hafa ber í huga að Brúará er vatnsmikil og straumhörð á sem mikilvægt er að nálgast af varfærni og virðingu. Athygli er vakin á því að utanvegaakstur er með öllu óheimill.