Almennar

Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr ánni, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla ber að skrá í rafræna veiðibók.

Sjá einnig almennar veiðireglur SVFR

Merktir staðir eru um 30 en það má segja að svæðið sé einn veiðistaður í gegn ef að veiðimenn eru á höttunum eftir bæði Lax og urriða. Fjölbreytnin er gríðarleg en það eru fá svæði ef einhver sem bjóða uppá allar tegundir veiðistaða ef að fossaveiði er fráskilin.  

Aðgengi er frábært þar sem að keyrt er að öllum stöðum. Margir veiðimenn þekkja nöfnin á þessum helstu laxastöðum enda fornfrægir stórlaxastaðir eins og Óseyri, Dýjaveitur, Breiðeyri, Símastrengur og Tjarnarhólmaflúð á svæðinu. 

Helstu urriðastaðir eru Höskuldsvík, Dýjaveitur og Kraunapollar. Urriðaveiðin er almennt best í Maí og framundir miðjan Júní og Laxveiðin fer af stað af alvöru í kringum 20 Júlí en September er oft besti tíminn.

Skráning á veiði 2025 var ábótavant en það var um 50 laxar og 250 urriðar sem veiddust. Meðallengd á skráðum fiskum var 54cm í Urriðanum og 73cm í Laxinum með stærstu fiskana 70cm og 101cm.