Nördaveisla SVFR

Nördaveisla SVFR fer aftur af stað með kraftmiklu silungsveiðikvöldi undir yfirskriftinni Hálendisveiði. Kvöldið er helgað veiði á hálendinu og þeim aðferðum, aðstæðum og hugarfari sem þar skipta máli.

Viðburðurinn fer fram fimmtudaginn 19. febrúar á Brasa Restaurant í Turninum. Húsið opnar kl. 18:00, dagskrá hefst kl. 20:00 og stendur til kl. 22:00. Sértilboð verða á mat á staðnum.

Skólabekkurinn – hálendið krufið

Kvöldið hefst á Skólabekknum þar sem Tryggvi Guðmundsson leiðir gesti í gegnum hálendisveiðina eins og hann þekkir hana. Farið verður yfir þær aðferðir sem reynst hafa best, hvað þarf að hafa í huga og hvernig best er að nálgast veiðina.

Hálendisveiði er sérfag sumra veiðimanna sem hafa lagt mikla vinnu í að tileinka sér þekkingu á heiðarvötnum og afskekktum ám. Þar er eftir miklu að sækja fyrir þá sem vilja dýpka skilning sinn og bæta árangur.

Kúltúrhornið – reynslan við borðið

Í Kúltúrhorninu taka reyndir hálendisfarar þátt í opnu samtali þar sem þeir deila reynslu sinni, mistökum og lærdómi. Gestir fá tækifæri til að spyrja spurninga og kafa dýpra í það sem raunverulega skiptir máli þegar veitt er langt frá alfaraleið.

Makkerinn og félagsskapurinn

Sívinsæli spurningaleikurinn Makkerinn verður á sínum stað og reynir á þekkingu gesta. Kvöldið er vettvangur fyrir veiðimenn á öllum stigum, hvort sem menn eru að stíga sín fyrstu skref eða hafa áratuga reynslu.

Tilboðsmatseðill

• Grillaður og gratineraður Brasa Burger með frönskum og yuzu jalapeno majónesi.
• UMI striploin 300 gr með frönskum og bernaise.
• Miso þorskur með blaðkáli, ristuðu blómkáli og freyðandi kampavínssósu.

Sjáumst í Turninum

Nördaveisla SVFR er staðurinn þar sem fræðsla og félagsskapur mætast. Komdu, taktu þátt í umræðunni og vertu hluti af öflugu veiðisamfélagi.