Sandá í Þjórsárdal er spennandi tveggja stanga valkostur fyrir veiðimenn sem vilja reyna við þann stóra en áin er síðsumarsá þar sem besti tíminn er öllu jöfnu eftir fyrstu haustrigningar. Seinni hluti ágúst og september eru því iðulega vinsælasti tíminn í ánni. Sandá hefur einnig að geyma urriða. Veitt frá upptökum til ósa Þjórsá. Veitt verður frá morgni til kvölds en ekkert veiðihús er við ána.

Þegar lítið er í ánni virðist fiskur halda sig neðarlega og við ósinn

Áin er þekkt fyrir stórlaxa, laxastofn Þjórsár er einn sá sterkasti á Íslandi og skilyrði fyrir lax í Sandá seinni part sumars eru yfirleitt mjög góð.

Stangaveiðifélag Reykjavíkur mun bjóða þennan spennandi valkost á mjög hagstæðu verði fyrir okkar félagsmenn.