Það er hálf ótrúlegt hvað Leirvogsá leynir á sér, þegar maður er kominn í Birgishyl er lygilegt að ímynda sér að maður sé bara rétt fyrir utan höfuðborgina. Þessi netta tveggja stanga á er með eina hæstu meðalveiði per stöng á landinu en árið 2020 veiddust rúmlega 250 laxar og töluvert af sjóbirtingi sem er mögnuð veiði.
Fyrir neðan þjóðveg eru frægir pallar og pyttir sem henta einstaklega vel til maðkveiða, jafnframt eru það aflahæstu staðirnir í ánni. Eftir 31. ágúst er eingöngu veitt á flugu og öllum fiski skal sleppa.
Meðaltal veiða frá árinu 2014 – 2023 er 297 laxar á tvær stangir. Besta veiðin var árið 2015 og veiddust þá 706 laxar í ánni.
Í ánni eru 58 merktir veiðistaðir og þar má finna allskonar breiður, flúðir, pytti og strengi. Veiðistaðirnir eru því afar fjölbreyttir og aðgengi að þeim flestum er gott.
Þar sem Leirvogsá er nett á er mjög miklilvægt að nálgast veiðistaði rólega til að styggja ekki fiskinn. Gott er að byrja að nota litlar flugur og stækka svo hægt og rólega.
Tillaga að svæðaskiptingu
25. júní - 14. ágúst
Húsbreiða til og með Snoppu
Snoppa - Tunguborgareyrar
Á þessum tíma er best að skipta svæði á 1.5 klukkutíma fresti, frjálst svæði er fyrir ofan Húsbreiðu. Mælt er með að menn mæti við Gömlu Brú korter fyrir veiðitíma og ákveði skiptingu í sameiningu.
15. ágúst - 20. september
Tröllafoss - Svilaklöpp
Húsabreiða - Tunguborgareyrar
Ekkert frísvæði, þriggja klukkutíma skipting. Mælt er með að menn mæti upp í veiðihús korter fyrir veiðitíma og ákveði skiptingu í sameiningu.
