Frá 46.300 kr.
Laxá í Laxárdal
Veiðisvæðið er í um klukkustunda akstri frá Akureyri og um 20 mínútna akstri frá Húsavík. Þeir sem heimsækja veiðisvæðið í Laxárdalnum geta átt von á að veiða stærri urriða en víðast hvar annars staðar. Rúmlega 70% veiðinnar undanfarin ár hefur verið fiskur sem er lengri en 50 cm og heil 20% aflans í Laxárdal er meira en 60 cm langur urriði. Veiðimenn eru vel utan alfaraleiðar og eru því út af fyrir sig í mögnuðu umhverfi Laxárdalsins. Óhætt er að fullyrða að veiðisvæðið í Laxárdalnum er einstakt í sinni röð; umhverfið, vatnið og veiðin skapa órofa heild sem lætur engan ósnortinn. Hér finna menn sig vel hvort sem notaðar eru púpur, straumflugur eða þurrflugur.
Rauðhólar
Eftir miklar endurbætur síðustu ár eru húsið allt hið glæsilegasta að innan sem utan.
Í svefnálmunni eru tíu tveggja manna herbergi, þar af eitt ætlað fötluðum, öll með sturtu og salerni. Stofan, sem í senn er setu- og borðstofa, er afar rúmgóð og björt og þar geta veiðmenn látið fara vel um sig þegar stund er milli stríða.
Aðstaða fyrir vöðlur, skó og tilheyrandi er til fyrirmyndar. Full þjónusta er í húsinu í júní og júlí, frá og með 1. ágúst til loka veiðitíma er sjálfsþjónusta.
29°C
