Frá 64 þús.
Langá
Langá á Mýrum er ein af gjöfulustu og fallegustu laxveiðiám landsins. Hún býður upp á fjölbreytta veiðistaði með góðu aðgengi en alls eru 93 veiðistaðir skráðir. Langáin á upptök sín í Langavatni sem er um 36 km frá ós árinnar en áin fellur í sjó vestan við Borgarnes. Stangaveiði á sér langa sögu í Langá, lengri en almennt þekkist í sögu laxveiðiáa á Íslandi. Sagan er tengd Ensku húsunum á Langárfossi en þau eru talin elstu veiðihús landsins þó þau sinni því hlutverki ekki í dag.
Langárbyrgi
Það væsir ekki um veiðimenn í Langárbyrgi en þar er þjónusta við veiðimenn eins og best verður á kosið. Ný viðbygginga var tekin í notkun sumarið 2024 þannig að auðvelt er fyrir veiðimenn að panta sér herbergi þó svo þeir deili stöng gegn vægu gjaldi. Húsið, sem stendur á bökkum hinna rómuðu Hvítsstaðahylja, er með fjórtan tveggja manna herbergjum sem hvert um sig er með sér baðherbergi og 6 ný einsmannsherbergi í nýbyggingunni með sturtu og baði.
Í gufubaðinu er kjörið að fara yfir helstu afrek dagsins á bakkanum og í setustofunni geta menn horft dreymnir á svip yfir Hvítsstaðahyljina og lagt upp veiði næsta dags.
Aðstaða fyrir vöðlur, skó og tilheyrandi er til fyrirmyndar.
Full þjónusta er í húsinu allan veiðitímann.