Frá 20 þús

Gufudalsá

Gufudalsá er gjöful bleikjuveiðiá tilvalin fyrir alla fjölskylduna. Þarna hafa ungir veiðimenn oft á tíðum stigið sín fyrstu skref í veiðimennsku. Sjógengin bleikja veiðist bæði í ánni og vatninu, mest í kringum eitt pund, en einnig bleikjur allt að fjögur pund. Nokkrir tugir laxa hafa veiðst síðustu árin. Mest veiðist á flugu. Aðgengi að veiðistöðum er gott og gott veiðihús er við ána. Töluvert af veiðinni kemur á land úr Gufudalsvatni en mikilvægt er að það gári aðeins ef fiskur á að taka.

Vestfirðir, Gufudalur
Veiðitímabil: 04.07 - 05.09
Stangir: 4
Agn: Fluga, maðkur og spónn
Kvóti: Hófsemi
8 manns í sjálfsmennsku
Bóka núna

Gisting

Veiðihúsið í Gufudal er afar huggulegt og þar er svefnpláss fyrir 8 manns.

Tímabil

Frá 4. júlí til 10. septmeber

Veiðin

Bleikja, fjórar stangir, fluga, maðkur og spónn. Það er enginn kvóti en veiðimenn eru beðnir um að sýna hófsemi.

Hentar

Byrjendum sem lengra komnum.

Í ánni er aðallega sjóbleikja, hún er oftast í kringum 1-2 pund og er frábær matfiskur. Þegar líður á tímabilið gengur lax upp ánna og veiðast alltaf þónokkrir á hverju ári.

Í ánni eru 25 skráðir veiðistaðir og er aðgengi afar gott að þeim flestum. Sjóbleikjan er óútreiknanlegur fiskur og getur hún legið á ótrúlegustu stöðum, Þá mælum við með að veiðimenn rölti á milli veiðistaða og kasta á alla álitslega staði.

Veiðitíminn er 12 klst. á dag á tímabilinu frá kl. 7-22 heila daga en á skiptidögum skal veiði lokið kl. 13 og má hefjast á ný kl. 15. Lengri hvíldartími er við fossa ofan vatns skv. nánari veiðireglum í veiðihúsi.Veiðisvæðin - Veiðin

Veiðihús

Netsamband: Wi-fi tengt við ljósleiðara. Veiðihúsið er stórt og í mjög góðu standi eftir miklar endurbætur vorið 2017. Pallur með heitum potti er við húsið. Þar eru sex tveggja manna herbergi, fjögur með rúmum og tvö með kojum. Eldhús með eldhúsáhöldum og borðbúnaði er fyrir 12, borð- og setustofa, baðherbergi, snyrting, forstofa, kæligeymsla o.s.frv. Á staðnum er gasgrill. Einnig er sjónvarpsskjár, eingöngu fyrir dvd-diska. Komudag mega veiðimenn koma í veiðihúsið klukkutíma áður en veiðitími hefst og brottfarardag skulu þeir vera farnir úr húsinu klukkutíma eftir að veiði er lokið. Í húsinu mega dvelja eins margir og húsrúm leyfir. Sængur og koddar eru til staðar en veiðimenn leggja sjálfir til sængurfatnað, handklæði og hreinlætisvörur. Veiðimönnum ber að þrífa húsið fyrir brottför og taka með sér rusl en ruslagámur er niðri við þjóðveg. Kort af ánni mun hanga uppi í veiðihúsi ásamt ítarlegri veiðireglum. Skrá skal alla veiði í veiðibók og er sérstaklega brýnt fyrir veiðimönnum að skrá aðeins einn fisk í hverja línu veiðibókarinnar.

sjálfsmennska
gasgrill
aðgerðarborð
heitur pottur

Ársskýrslur