Frá 51 þús

Andakílsá

Andakílsá hentar fluguveiðimönnum einstaklega vel. Andakílsá fellur úr Skorradalsvatni um Andakílsárfoss, en neðan hans er laxveiðisvæðið u.þ.b. 5 kílómetra langt og nær niður að brú á Þjóðveginum ofan bæjarins Ausu. Andakílsá er sérlega hentug fyrir fjölskylduna því aðgengi að veiðistöðum er mjög gott.

Vesturland, Borgarfjörður
Veiðitímabil: 20.06 - 30.09
Stangir: 2, seldar saman
Agn: Fluga
Kvóti: 2 á vakt
7 manns í sjálfsmennsku
Bóka núna

Gisting

Í veiðihúsinu Sleif er svefnrými fyrir 7 manns í tveimur svefnherbergjum. Veiðimönnum ber að kaupa þrif.

Tímabil

Frá 20. júní til 30. september

Veiðin

Lax, 2 stangir, eingöngu fluga með flugustöng. Kvótinn er tveir fiskar á vakt.

Hentar

Byrjendum sem lengra komnum.

Umsjón og veiðivarsla

Andakílsá

+354 568 6050

svfr@svfr.is

Veiðisvæðið - veiðin

Laxveiðisvæði árinnar er 5km langt og nær frá Andakílsárfossum að ofan og niður að brú á þjóðveginum ofan bæjarins Ausu. Í ánni eru 15 merktir veiðistaðir.

Andakílsá lætur ekki mikið yfir sér en hún er oftar en ekki full af fiski. Sumarið 2020 veiddust rúmlega 600 laxar á eina stöng frá 15. júní til 15. sept. sem er frábær veiði. Meðalveiði á dagsstöng hefur oftar en ekki verið með þeim betri á landsvísu í Andakílsá.

Kvóti er á veiðinni upp á 2 laxa á stöng á dag. Eftir að kvóta er náð er skylda að sleppa öllum afla.

Picture of Sleif
Veiðihús

Sleif

Veiðihúsið Sleif er notalegt hús í hlaðvarpanum. Svefnrými er fyrir 7 manns í tveimur svefnherbergjum. Í öðru herberginu eru fjögur rúmstæði í kojum en í hinu tvíbreitt rúm og rúmstæði yfir því í koju. Í baðherbergi er sturta og við húsið er gasgrill. Ekki er bakaraofn í húsinu en allur helsti borðbúnaður.

Veiðimenn mega koma í húsið einni klukkustund fyrir fyrstu vakt og skulu vera búnir að rýma það innan klukkustundar eftir að síðustu vakt líkur. Veiðimenn skulu ræsta húsið rækilega fyrir brottför og taka með sér allt rusl. Það er skylda að kaupa þrif og greitt er fyrir þau í húsi á brottfarardegi. Innilfalið í þrifum eru uppábúin rúm.

Húsið er opið og skulu veiðimenn skilja það eftir opið við brottför. Lyklar hanga inni í húsi óski veiðimenn þess að læsa á meðan þeir eru við veiðar. Fólksbílafært er að húsinu og að flestum stöðum við ána.

sjálfsmennska
gasgrill
aðgerðarborð

Gagnlegar upplýsingar

Andakílsá lax 
Veiði hefst:20. júní
Veiði lýkur:30. september
Fjöldi stanga:2 - seldar saman
Veiðifyrirkomulag:Tveggja (2) daga holl frá hádegi til hádegis
Veiðitími I20.06 - 13.08
Morgunvakt:07:00-13:00
Eftirmiðdagsvakt:16:00-22:00
Veiðitími II14.08 - 30.09
Morgunvakt:07:00-13:00
Eftirmiðdagsvakt:15:00-21:00
Mæting, staður:Veiðihús
Mæting, tími:klukkustund fyrir vakt
Vinsælar flugur:Frances, Green Highlander, Sunray Shadow, Collie Dog

Leiðsögn

Leiðsögumenn SVFR eru veiðimenn með mikla og langa veiðireynslu og eru valdir af kostgæfni. Með leiðsögn verður veiðin markvissari, tíminn nýtist betur, og oftar en ekki ánægjulegri. Leiðsögumenn okkar upplýsa veiðimenn um bestu veiðistaðina í ánni, búnaðinn og veiðitækni.

  Markvissari veiði

  Fagleg ráðgjöf

Veiðireglur

Almennar

Vinsamlegast kynnið ykkur veiðireglurnar og virðið þær. Brot á veiðireglum varða fyrirvaralausum brottrekstri úr ánni, upptöku afla og veiðafæra ásamt öðrum viðurlögum eftir því sem við á.

Gangið vel um veiðisvæðið, valdið ekki jarðraski og hirðið allt rusl. Sýnið náttúrunni virðingu og keyrið ekki utanvega. Allan afla ber að skrá í veiðibók.

Sjáið frekar almennar veiðireglur SVFR

Sértækar

Veitt er á tvær stangir allt tímabilið. Þar sem stangirnar tvær eru seldar saman skipta veiðimenn sjálfir með sér veiðisvæðinu.

Hreistursýni

Það er eindregin ósk landeigenda að tekið sé hreistursýni af öllum veiddum fiski. Sýnin eru sett í þar til gerða poka sem eru í veiðihúsinu og þeir merktir þeim upplýsingum sem fram koma á pokanum.

Örmerktur lax

Þegar veiðiugga vantar á laxinn þá er búið að setja örmerki í trjónu hans. Vinsamlegast lítið vel eftir örmerktum laxi því hann er rannsóknarlega séð mög mikilvægur. Þegar um örmerktan lax er að ræða er trjónan (hausinn) skorinn af og  hún sett í þar til gerðan poka. Á pokann er skráð:

  • Nafn, símanr. og heimilisfang veiðimanns
  • Veiðistaður
  • Veiðitími
  • Lengd fisks
  • Þyngd fisks
  • Kyn fisks

Þegar búið er að skrá þessar upplýsingar á pokann er hann settur í frysti en þangað mun rannsóknaraðili sækja hann. Veiðimaður má halda eftir laxinum fyrir utan trjónuna.

LaxTímabil: 20.06 - 30.09
Leyfilegt agn: Fluga
Eingöngu leyfilegt að veiða með flugustöng.
Kvóti: 2 laxar á vakt undir 70 cm
Öllum fiski 70 cm og yfir skal sleppt.

   Þrif - skylda

Þrif á veiðihúsinu eru ekki innfalin í stangarverðinu og ber veiðimönnum að kaupa þá þjónustu. Innifalið eru almenn þrif og uppábúin rúm.

Veiðimenn sjá um að þrífa grill, klára uppvask, raða inn í skápa og skúffur ásamt því að sinna almennum frágangi.

Ætlast er til að veiðimenn gangi frá öllu rusli og taki það með sér við brottför.

Athugið! SVFR áskilur sér rétt til að rukka aukalega fyrir þrif ef frágangur á veiðihúsinu er ekki sem skyldi.

Þrif - umsjón

Björgvin

+354 847 6319

bjoggi5@hotmail.com

Greitt er fyrir þrif á brottfarardegi, annaðhvort með að skilja eftir greiðslu í veiðihúsinu eða með millifærslu. Nánari upplýsingar um greiðslu veitir umsjónarmaður þrifa.

Þrif 40.000 kr. / hollið

Greitt er fyrir þrif á brottfarardegi í veiðihúsinu. Innifalið eru almenn þrif og uppábúin rúm. Veiðimenn sjá um að þrífa grill, uppvask og almennan frágang.